წესები და პირობები

მთავარი/მაღაზია/წესები და პირობები

წ ინამდებარე წესები და პირობები წარმოადგენს იურიდიულად მავალდებულებელ შეთანხმებას შპს "ლავლი როუზის"-სა (ს/კ 405108146) (შემდგომში „ლავლი") და ყველა იმ მომხმარებელს შორის, რომელიც იძენს საქონელსა და მომსახურებას „ლავლისგან“ (შემდგომში „მომხმარებელი“). წინამდებარე ვებგვერდის გამოყენებით „მომხმარებელი“ ადასტურებს, რომ ეთანხმება ამ წესებსა და პირობებს.

მუხლი 1. ვებ-გვერდი და მისი სერვისები
1.1. lovelyroses.ge არის „ლავლის" ყვავილების მაღაზიის „ლავლი როუზის“ ოფიციალური ვებგვერდი, რომელზეც შესაძლებელია ყვავილების თაიგულების, კომპოზიციებისა და დამატებითი საჩუქრების ონლაინ შეძენა და საფასურის გადახდა.
1.2. წინამდებარე ვებ-გვერდის გამოყენებით "მომხმარებელი" აცხადებს თანხმობას მიიღოს "ლავლისგან" განთავსებული შეკვეთის სტატუსთან დაკავშირებული სმს შეტყობინებები, წერილები მეილზე, სიახლეები, მათ შორის სარეკლამო შეტყობინებები და სხვ.

მუხლი 2. კონფიდენციალობის პოლიტიკა
2.1. „ლავლი“ პასუხისმგებელია „მომხმარებლის“ მიერ „ლავლისთვის“ გადმოცემული პერსონალური ინფორმაციის უსაფრთხოებაზე, წინამდებარე წესებისა და პირობების შესაბამისად;
2.2. „ლავლი“ უფლებამოსილია დაამუშავოს ყველა ის ინფორმაცია/დოკუმენტაცია საქართველოს კანონმდებლობის შესაბამისად, რომელიც წინამდებარე ვებგვერდის ან/და „ლავლის“ წარმომადგენელთან სხვა საკომუნიკაციო არხებით (სატელეფონო ზარი, მიმოწერა სოც.ქსელებში, ელ-ფოსტაზე, ვატსაპში, ვაიბერში, ტელეგრამში და სხვ.) კომუნიკაციის მეშვეობით მიწოდებული/გადაცემული იყო „ლავლისთვის“ „მომხმარებლის“ მიერ.
2.3. „ლავლი“ უფლებამოსილია პერსონალურ მონაცემთა დაცვის შესახებ საქართველოს კანონის მე-2 პუნქტის „დ“ ქვეპუნქტის მიხედვით დაამუშავოს „მომხმარებლის“ პერსონალური მონაცემები;
2.4. „მომხმარებლის“ პერსონალური მონაცემების დამუშავების მიზნებია:
2.4.1. „მომხმარებლის“ ინფორმირება მის მიერ განთავსებული შეკვეთის სტატუსთან დაკავშირებით;
2.4.2. „მომხმარებლისთვის“ ინფორმაციის მიწოდება „ლავლის“ შეთავაზებების და სიახლეების შესახებ;
2.4.3. პირდაპირი მარკეტინგისა და სხვა მარკეტინგული ან/და პიარ კამპანიების განხორციელება;
2.4.4. სტატისტიკური მონაცემების წარმოება;
2.4.5. „ლავლის“ პროდუქციის, მომსახურებისა და ვებგვერდის განვითარება;
2.4.6. ვებგვერდზე გადახდების განხორციელება და მართვა;
2.4.7. ყველა ის კანონით აუკრძალავი მიზანი, რომელიც შეესაბამება ყვავილებით ვაჭრობას;
2.5. „ლავლი“ უფლებამოსილია გასცეს "მომხმარებლის" პერსონალური მონაცემები კანონმდებლობის მოთხოვნით ან/და სამართლებრივ დავებში საკუთარი ინტერესების დასაცავად, ან/და კომპანიის რეორგანიზაციის, შერწყმის ან გაყიდვის შედეგად;

მუხლი 3. ინტელექტუალური უფლებები
3.1. ვებგვერდი lovelyroses.ge, მისი პროგრამული უზრუნველყოფა, ვებგვერდზე არსებული პროდუქციის ფოტოები, აღწერა, სერვისები, ასევე სახელწოდება „ლავლი როუზის“, მისი ლოგოტიპი და ვებგვერდზე გამოყენებული ტექსტური მასალა წარმოადგენს „ლავლის“ საკუთრებას და დაცულია საქართველოს კანონმდებლობით;
3.2. „მომხმარებელი“ უფლებამოსილია გამოიყენოს 3.1. პუნქტში მითითებული ჩამონათვალი მხოლოდ პირადი მოხმარებისათვის;
3.3. "მომხმარებელს" არ აქვს უფლება შეცვალოს, გადაამუშავოს, გადათარგმნოს, გაყიდოს, ანაზღაურებადი მიზნებისთვის გამოიყენოს 3.1. პუნქტში მითითებული ჩამონათვალი ან/და გაავრცელოს მისი ასლები, მოაცილოს ბრენდული ნიშანი, ლოგო ან სახელწოდება.

მუხლი 4. შეკვეთის განთავსება და თანხის დაბრუნება
4.1. „მომხმარებელი“ პასუხისმგებელია მის მიერ განთავსებული ან/და „ლავლისთვის“ სხვა საკომუნიკაციო არხების მეშვეობით მიწოდებული შეკვეთის დეტალების სისწორეზე, მათ შორის შემკვეთისა და მიმღების საკონტაქტო მონაცემებისა და მიმღების მისამართის სისწორეზე;
4.2. „ლავლი“ უფლებამოსილია დაუკავშირდეს მიმღებს მისამართის დასაზუსტებლად. ამასთანავე, შემკვეთის მოთხოვნის შემთხვევაში, „ლავლი“ არ გათქვამს შემკვეთის პერსონალურ ინფორმაციას, გარდა კანონმდებლობით გათვალისწინებული შემთხვევებისა;
4.3. ვინაიდან ყვავილები წარმოადგენს მალფუჭებად პროდუქციას, „ლავლი“ არ არის ვალდებული დაუბრუნოს "მომხმარებელს" ის საფასური, რომელიც "მომხმარებელმა" გადაიხადა „ლავლის“ პროდუქციის შეძენისას, თუკი „მომხმარებლის“ მიერ შეძენილი თაიგულისთვის/კომპოზიციისათვის ყვავილების ძირები უკვე გადაჭრილია ან/და მომსახურება სრულადაა შესრულებული;
4.4. თუკი შეკვეთის გაუქმება ხორციელდება "მომხმარებლის" მიერ „ლავლისთან“ შეთანხმებით თაიგულისთვის/კომპოზიციისათვის ყვავილების ძირების გადაჭრამდე, "ლავლი" ვალდებულია დაუბრუნოს "მომხმარებელს" მისი გაუქმებული შეკვეთის ღირებულება, გაუქმების დღიდან 7 (შვიდი) სამუშაო დღის განმავლობაში.

მუხლი 5. გარდამავალი დებულებები
5.1. წინამდებარე წესებისა და პირობების რომელიმე პუნქტის ან ნაწილის ბათილობა არ გამოიწვევს წესებისა და პირობების დანარჩენი პუნქტების ან/და ნაწილების ბათილობას;
5.2. წინამდებარე პირობების შესრულების ადგილს წარმოადგენს "ლავლის" იურიდიული მისამართი;