White Roses

LovelyRoses-ში ძირითადად ეკვადორის თეთრ ვარდებზე ვმუშაობთ. ქვეყნის უნიკალური კლიმატი და გეოგრაფიული მახასიათებლები უზრუნველყოფს სრულყოფილ პირობებს ვარდების კულტივაციისთვის, რის შედეგადაც წარმოიქმნება თეთრი ვარდის ჯიშების უდიდესი ვარიაციები, რომლებიც დიდი პოპულარობით სარგებლობენ ყვავილების გლობალურ ბაზრებზე.

ეკვადორული ვარდები ცნობილია არა მხოლოდ განსაკუთრებული სილამაზით, არამედ შესანიშნავი გამძლეობით. ისინი შორ მანძილზე ტრანსპორტირებას იდეალურად უძლებენ, რაც ასეთ ვარდებს ფავორიტად აქცევს საერთაშორისო ფლორისტებს შორის. მაღალმთიან რეგიონებში გაზრდილი ეს განსაკუთრებული ჯიშები სილამაზით, უნაკლო ხარისხითა და კარგი გამძლეობით გამოირჩევიან- ამიტომაც ეს ვარდები საუკეთესო არჩევანია სხვადასხვა შემთხვევებისთვის- ქორწილებიდან დაწყებული- საიუბილეო თარიღებით, სპეციალური ღონისძიებებითა და მემორიალური დღეებით დამთავრებული. ქვემოთ მოგიყვებით ჯიშებზე, რომლებთანაც ყველაზე ხშირად ვმუშაობთ ვარდების მაღაზია LovelyRoses-ში.

თეთრი ვარდების ჯიშები

ჩვენთვის ერთ-ერთი საყვარელი თეთრი ვარდის ჯიში ვენდელაა, უნიკალური ვარდი ცნობილია თავისი გამძლეობითა და ადაპტაციის უნარით.ამ ჯიშს მსხვილი ვარდის ფურცლები აქვს, რომელსაც კრემისფერი ტონალობა დაჰკრავს, ასეთი წყობა მას ელეგანტურობას ანიჭებს, ვენდელას ჯიშის ვარდი შეგვიძლია ღონისძიებების ფართო სპექტრში გამოვიყენოთ, რაც მას ფლორისტიკის სფეროში ერთ-ერთ სასურველ ჯიშად აქცევს. ქორწილების, ან გრძელი ბიზნეს ივენთებისთვის ამ ჯიშის ვარდი საუკეთესოა, რადგან ის გამძლეა და თქვენი თვალი დიდხანს დატკბება ქათქათა თეთრი ვარდების კომპოზიციით.

მონდიალის ჯიშის ვარდი ერთიანობისა და მშვიდობის სიმბოლოა. მას ფურცლების რამოდენიმე ფენა აქვს, რომლებიც ერთმანეთთან საინტერესო წყობასა და თანხვედრაშია, მისი ასეთი ფორმა და ფერი ქმნის ჰარმონიის განწყობას, ზუსტად ამიტომ ის ძალიან პოპულარულია საქორწილო თაიგულებში, ის ხომ ახალი საწყისების სიმბოლოდაც მიიჩვნევა, და არა მარტო- მისი ზემოთხსენებული სიმბოლიზმის გამო ის თანაგრძნობისა და ნუგეშისცემის გამოხატვის სურვილის დროსაც მონდიალის ჯიშის ვარდი ერთ-ერთი ყველაზე კარგი არჩევანია.